صدك كلبك تذكرني

منك ما اريد وكلشي ما احتاج
بس كّلي صدكّ قلبك تذكرني؟؟

اسئلنك واريد اجوابك ابهليوم
احلفك بالله لا تهرب ولك مني

مو صبري لبسته اعلى القلب جلباب
ولك حتى الصبر ماضل يصبرني

خليني اذكرك من ربينه ازغار
اذا انت وفي ومن قلبك اتحبني

اذكرك بلمتن من شالك ازغيرون
ياطير الحمام وعش الك متني

ما يحتاج اذكرك وانت كلش زين
تدري ارباك ذاك اشكثر تعّبني

كاروك الك حضني ومهدك ابها العين
تفز من نومتك واتهوّد ابحضني

اغذيك ابحناني,, وابقى الولي اعليك
الكّمر وي النجم ضل بسمك ايغني

ومن تغفى وتسلهم,, طيف الك موجود
امر لك بــ الحلم شوكّ وعشكّ جني

واطير وياك فوكّ الغيم مثل الطير
وعلى حبك سحاب الغيم وصّلني

لاجن بيش اذكرك وانت كلك روح
وي روحي تريد اشلون تقسمني

جسد واحد صرت وياك,, بس قلبين
شجاك من اكبرت ها الساعه تتركني

ما خابت اظنوني وياك من حبيت
ولا حبك نكرته وخاب بي ظني

ملهوف اعلى صوتك ردت اسمع بي
فدوه ابكلمه وحده ارجوك سمّعني

مشتاكّ اعلى دربك من افوتن بي
يا درب الحزن يمته,, تفرّحني

والاكّـيك ابحنين الشوكّ الك ملهوف
واضمك عـ الصدر والصدرك اتضمني

شدري بها الوكت فرقنا بـ اللحظات
ومن حبك عجيبه اشلون يبعدني

ان شالله تعجبكم