صدك تقبل حبيبي لغيري هسه تصير؟
وصدك مليت مني وبعد متحبني؟
وصدك هانت عليك سنينه الحلوات؟
وماهانت عليك شلون تتركني؟
من يمته المذاهب نحسبله حساب؟
ومن يمته الطوائف جانت اتهمني؟
انه من عشكتك ما سئلت الناس
ولا جنت ادري اصلك شيعي لو سني
معقوله الورد ينسه جميل الماي؟
وانته بهلسهوله تنازلت عني
ما انكر مقصر اجت فتره وياك
لاكن مو بديه الوكت يجبرني
شفت يمك نفط وبين اديك الماي
وانه بنار اشتعل ردتك اتخلصني
لكيتك بلعكس مايك شمرته بعيد
وجبت النفط بيدك حته تحركني
شسولفلك بعد طعم السوالف راح
ردت منك ثواني وخيبت ظني
ادري الوكت هوه الخله كلبك هيج
وادري الطائفيه الباكتك مني
وقبل لا تبتعد عندي سؤال ارجوك
فكر ويه روحك عود جاوبني
باجر لومتت وتشوفني بتابوت
هم تبجي علية وبعد تذكرني؟
ان شاء الله تعجبكم