بسك تعت بكليبي.....روووووعه

بسك تعت بكليبي
رجيج وخلص تاليه ...
كصه كيض الوكت وياه
ونشف كل سواجيه ...
تدولب مالكاله أحباب
ولا سد يكعد بفيه ..
طفه شمع العمر يفلان
ومامش للفرح جيه ...
يعيد الله التمر عالناس
جا هلبت تمر بيه ...
مر وتورج عله الحال
عساك بحال راعيه ...
غريج أتنازع ويه الموت
ومامش نفس بالريه...
وانت ولا تحن وأنخاك
ولا بالناس حنيه ...
يكلبي مدامن عله الاه
معلك بيك ترجيه ...
دبطل وكطع الظنه
ولامنهم بعد جيه ...
أجيتك شايل بكلبي
سوالف شوكنه وحبنه ..
أجيتك والوكت دولاب
فرنه وليك رجعنه ...
اجيتك والدموع شطوط
ماهزتك دمعتنه ...
اجيت أتكالب ويه الموت
يدفعني ودفعنه ...
اجيتك واني كلي جروح
وانت بحالتي أدرى ...
وحسبتك للجرح عطاب
لو ظل جرح مايبره ...
وظنيتك وفي وصاحب مروه
وتذكر العشره ...
أخ شكد وكيح عيون
تصد وخاطري تكسره ..
نسيت السمر والكعدات
وابيات الغزل بالكحل والحمره ...
نسيت الشوك ودروب المحبه
وغنوة السمره ...
نسيت مكاود الجفين
بالعشار بالبصره ...
لو نسيت شلون من جنه سوه
بفي الحدايق نكعد ونقره ..
عليمن هالزعل يفلان
تعال نخلي ايد بأيد
ونعيش الحلوه والمره
وتره ورد العشك مامات
بعده بلونه وبعطره ...
شنو اليرضيك ...
شنو اليرضيك أبيع الروح
لأجلك واشتري العشره ...
أودي الناس كلها عليك
مشيه لخاطرك جبره ..
يمعود ولك مليت
ونيني محد يعذره ...
ونيني محد يعذره ...

تحياتي لكل الحبايب